ਗੈਂਗਸਟਰ ਲਵਜੀਤ ਕੰਗ ਦੇ ਗ੍ਰਿਫਤਾਰ ਸਾਥੀਆਂ ਵਲੋਂ ਵੱਡੇ ਖੁਲਾਸੇ
ਲੁਧਿਆਣਾ, 10 ਮਾਰਚ, ਹ.ਬ. : ਲੁੁਧਿਆਣਾ ’ਚ ਪੁਲਿਸ ਨੇ ਗੈਂਗਸਟਰ ਲਵਜੀਤ ਕੰਗ ਦੇ 6 ਸਾਥੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਉਸ ਦੀ ਪੁੱਛਗਿੱਛ ਤੋਂ ਪਤਾ ਲੱਗਾ ਕਿ ਗੈਂਗਸਟਰ ਲਵਜੀਤ ਕੰਗ ਨੇ ਉਨ੍ਹਾਂ ਨੂੰ ਐਨ.ਆਰ.ਆਈ ਨੂੰ ਨਿਸ਼ਾਨਾ ਬਣਾਉਣ ਲਈ ਕਿਹਾ ਸੀ, ਪਰ ਸਮੇਂ ਦੇ ਬੀਤਣ ਨਾਲ ਇਹ ਐਨਆਰਆਈ ਵਾਪਸ ਵਿਦੇਸ਼ ਚਲਾ ਗਿਆ ਅਤੇ ਗੈਂਗਸਟਰ ਦਾ ਗਰੋਹ ਪੁਲਸ ਦੇ ਹੱਥੇ ਚੜ੍ਹ ਗਿਆ। ਇੱਕ ਨਵਾਂ ਮੋਡੀਊਲ ਪ੍ਰਗਟ ਹੋਇਆ ਹੈ। ਵਿਦੇਸ਼ਾਂ ’ਚ ਬੈਠੇ ਗੈਂਗਸਟਰ ਵਿਦੇਸ਼ ਵਿਚ ਭਾਰਤ ਜਾਣ ਵਾਲੇ ਵਿਅਕਤੀ ਨੂੰ ਨਿਸ਼ਾਨਾ ਬਣਾਉਂਦੇ ਹਨ। ਜਦੋਂ ਉਹ ਭਾਰਤ ਆਉਂਦਾ ਹੈ ਤਾਂ ਕੁਝ ਲੋਕਾਂ ਨੂੰ ਪੈਸੇ ਜਾਂ ਵਿਦੇਸ਼ ਬੁਲਾਉਣ ਦਾ ਲਾਲਚ ਦੇ ਕੇ ਅਗਵਾ ਕਰਨ ਵਰਗੀਆਂ ਘਟਨਾਵਾਂ ਨੂੰ ਅੰਜਾਮ ਦਿੱਤਾ ਜਾਂਦਾ ਹੈ। ਸੂਤਰਾਂ ਮੁਤਾਬਕ ਜਿਨ੍ਹਾਂ 6 ਲੋਕਾਂ ਨੂੰ ਪੁਲਿਸ ਨੇ ਫੜਿਆ ਹੈ, ਇਹੀ ਲੋਕ ਐਨਆਰਆਈ ਨੂੰ ਅਗਵਾ ਕਰਕੇ 5 ਤੋਂ 7 ਕਰੋੜ ਦੀ ਫਿਰੌਤੀ ਮੰਗਣਾ ਚਾਹੁੰਦੇ ਸਨ, ਪਰ ਪੁਲਿਸ ਨੇ ਸਮਾਂ ਰਹਿੰਦੇ ਬਦਮਾਸ਼ਾਂ ਨੂੰ ਕਾਬੂ ਕਰ ਲਿਆ। ਪੁਲਿਸ ਨੇ ਬਦਮਾਸ਼ਾਂ ਕੋਲੋਂ 11 ਪਿਸਤੌਲ 32 ਬੋਰ, 3 ਜਿੰਦਾ ਕਾਰਤੂਸ, 13 ਮੈਗਜ਼ੀਨ ਅਤੇ ਦੋ ਦੋ ਪਹੀਆ ਵਾਹਨ ਬਰਾਮਦ ਕੀਤੇ ਹਨ। ਦੱਸ ਦੇਈਏ ਕਿ ਮੁਲਜ਼ਮਾਂ ਵੱਲੋਂ ਜਿਸ ਐਨਆਰਆਈ ਨੂੰ ਅਗਵਾ ਕੀਤਾ ਜਾਣਾ ਸੀ, ਉਹ ਗੁਰਾਇਆ ਦੇ ਨਜ਼ਦੀਕ ਦਾ ਰਹਿਣ ਵਾਲਾ ਹੈ। ਇਸ ਐਨ.ਆਰ.ਆਈ ਦੇ 40 ਤੋਂ 50 ਟਰੱਕ ਵਿਦੇਸ਼ਾਂ ਵਿਚ ਚਲਦੇ ਹਨ । ਗੈਂਗਸਟਰ ਲਵਜੀਤ ਕੰਗ ਨੇ ਐਨਆਰਆਈ ਨੂੰ ਪਹਿਲਾਂ ਤੋਂ ਨਿਸ਼ਾਨੇ ਤੇ ਰੱਖਿਆ ਸੀ ਲੇਕਿਨ ਉਸ ਨੂੰ ਅਗਵਾ ਭਾਰਤ ਵਿਚ ਕਰਾਉਣਾ ਸੀ।