ਸੁਣਿਐ ਚੀਨ ਨੇ ਦਿਨ ਕੋਵਿਡ ਦੇ
ਜਨਮ ਦਾ ਲਿਆ ਮਨਾਅ ।
ਸਾਡੇ ਹਾਕਮਾਂ ਨੇ ਵੀ ਬਣਦਾ
ਹਿੱਸਾ ਦੇਣੈਂ ਹੁਣ ਪਾ ।
ਕਈ ਰਾਜਾਂ ਦੀਆਂ ਸਰਕਾਰਾਂ ਨੇ ਵੀ
ਫ਼ਾਇਦਾ ਲਿਆ ਉਠਾਅ ।
ਐਪਰ ਕਈ ਕਰੋੜ ਰੁਲ਼ਦੂਆਂ ਵਰਗੇ
ਕਰੇ ਗਰੀਬ ਤਬਾਹ ।
ਘਰਾਂ ‘ਚ ਡੱਕ ਕੇ ਮਨਮਰਜ਼ੀ ਦੇ
ਲਏ ਕਾਨੂੰਨ ਬਣਾਅ ।
ਸਾਡੇ ਜਿਹੇ ਤਾਂ ਕਈ ਅਜੇ ਵੀ
ਟੱਲੀਆਂ ਰਹੇ ਖੜਕਾਅ ।
ਪਰ ਚੁੱਕ ਲੈਂਦੇ ਨੇ ਝੰਡਾ ਜਿੰਨਾ੍ਂ ਨੂੰ
ਹੁੰਦੀ ਨਹੀਂ ਪਰਵਾਹ ।
ਹੌਲੀ ਹੌਲੀ ਲੱਭ ਲੈਂਦੇ ਨੇ ਉਹ
ਇਨਕਲਾਬ ਦਾ ਰਾਹ ।
ਇੱਕ ਤੀਲੀ ਦੀ ਅੱਗ ਨੂੰ ਲੈਂਦੇ
ਭਾਂਬੜ ਵਾਂਗੂੰ ਮਚਾਅ ।
ਬੰਬ ਬੰਦੂਕਾਂ ਰੋਕ ਨਾ ਸਕਦੀਆਂ
ਲੋਕ – ਹੜਾ੍ਂ ਦਾ ਰਾਹ ।
ਇੱਕ ਦਿਨ ਲਹੂ ਸ਼ਹੀਦਾਂ ਦਾ ਕਈ
ਸੂਰਜ ਦੇਵੇ ਚੜਾ੍ਅ ।
ਕਈ ਸੂਰਜ ਦੇਵੇ ਚੜਾ੍ਅ ।
ਮੂਲ ਚੰਦ ਸ਼ਰਮਾ ਅਤੇ
ਰੁਲ਼ਦੂ ਬੱਕਰੀਆਂ ਵਾਲ਼ਾ .
