ਲਾਹੌਰ, 20 ਜੁਲਾਈ, ਹ.ਬ. : ਪਾਕਿਸਤਾਨ ਦੇ ਪੰਜਾਬ ਸੂਬੇ ’ਚ ਇਕ 21 ਸਾਲਾ ਅਮਰੀਕੀ ਲੜਕੀ ਨਾਲ ਦੋ ਵਿਅਕਤੀਆਂ ਨੇ ਕਥਿਤ ਤੌਰ ’ਤੇ ਸਮੂਹਿਕ ਬਲਾਤਕਾਰ ਕੀਤਾ। ਪੁਲਿਸ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਹ ਘਟਨਾ ਡੀਜੀ ਖਾਨ ਜ਼ਿਲ੍ਹੇ ਦੇ ਹਿੱਲ ਸਟੇਸ਼ਨ ਫੋਰਟ ਮੁਨਰੋ ਦੇ ਇੱਕ ਹੋਟਲ ਵਿੱਚ 17 ਜੁਲਾਈ ਨੂੰ ਵਾਪਰੀ ਸੀ। ਇਹ ਲਾਹੌਰ ਤੋਂ ਲਗਭਗ 500 ਕਿਲੋਮੀਟਰ ਦੂਰ ਹੈ। ਪੀੜਤ ਇੱਕ ਵੀਲਾਗਰ/ਟਿਕ ਟਾਕਰ ਹੈ ਅਤੇ ਇੱਕ ਫੇਸਬੁੱਕ ਪੇਜ ਚਲਾਉਂਦੀ ਹੈ। ਪੀੜਤਾ ਆਪਣੇ ਸੋਸ਼ਲ ਮੀਡੀਆ ਦੋਸਤਾਂ ਮੁਜ਼ਮਿਲ ਸਿਪਰਾ ਅਤੇ ਅਜਾਨ ਖੋਸਾ ਦੇ ਨਾਲ ਇੱਕ ਵੀਲੌਗ ਬਣਾਉਣ ਲਈ ਇਸ ਸਥਾਨ ਦਾ ਦੌਰਾ ਕਰਨ ਆਈ ਸੀ।