ਅੰਮ੍ਰਿਤਸਰ, 20 ਜੁਲਾਈ, ਹ.ਬ. : ਅੰਮ੍ਰਿਤਸਰ ਇੱਕ ਐਨਆਰਆਈ ਔਰਤ ਨਾਲ ਪਾਖੰਡੀ ਬਾਬੇ ਵੱਲੋਂ ਠੱਗੀ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ ਇਸ ਐਨਆਰਆਈ ਔਰਤ ਦੇ ਬਿਮਾਰ ਬੱਚੇ ਨੂੰ ਠੀਕ ਕਰਨ ਦੇ ਬਦਲੇ 2.50 ਲੱਖ ਰੁਪਏ ਦੀ ਮੰਗ ਕੀਤੀ। ਹੁਣ ਮਹਿਲਾ ਨੇ ਮੁਲਜ਼ਮ ਖ਼ਿਲਾਫ਼ ਅੰਮ੍ਰਿਤਸਰ ਪੁਲਿਸ ਕੋਲ਼ ਕੇਸ ਦਰਜ ਕਰਵਾਇਆ ਹੈ। ਮਲੇਸ਼ੀਆ ਰਹਿੰਦੀ ਸਿੱਖ ਔਰਤ ਕਰਮਜੀਤ ਕੌਰ ਨੇ ਦੱਸਿਆ ਕਿ ਉਸ ਨੂੰ ਕਿਸੇ ਰਿਸ਼ਤੇਦਾਰ ਨੇ ਢੋਂਗੀ ਬਾਬੇ ਬਾਰੇ ਦੱਸਿਆ ਸੀ। ਉਸ ਨੇ ਤਰਨਤਾਰਨ ਰਹਿੰਦੇ ਬਾਬੇ ਨਾਲ ਵੀ ਫੋਨ ’ਤੇ ਗੱਲ ਕੀਤੀ। ਕਰਮਜੀਤ ਨੇ ਦੱਸਿਆ ਕਿ ਉਸ ਦਾ ਲੜਕਾ ਕਾਫੀ ਸਮੇਂ ਤੋਂ ਬਿਮਾਰ ਸੀ। ਉਸ ਨੇ ਬਾਬੇ ਨੂੰ ਇਸ ਬਾਰੇ ਦੱਸਿਆ। ਬਾਬਾ ਨੇ ਉਸ ਤੋਂ 2.50 ਲੱਖ ਰੁਪਏ ਦੀ ਮੰਗ ਕੀਤੀ। ਬਾਬਾ ਨੇ ਕਿਹਾ ਸੀ ਕਿ ਜਦੋਂ ਤੱਕ 2.50 ਲੱਖ ਰੁਪਏ ਨਹੀਂ ਮਿਲਦੇ, ਇਲਾਜ ਸ਼ੁਰੂ ਨਹੀਂ ਹੋਵੇਗਾ। ਉਸ ਨੂੰ ਕੁਝ ਪੈਸੇ ਨਕਦ ਅਤੇ ਕੁਝ ਖਾਤੇ ਵਿਚ ਪਵਾਏ। ਪੈਸੇ ਮੰਗਣ ’ਤੇ ਬਾਬਾ ਧਮਕੀਆਂ ਦਿੰਦਾ ਹੈ। ਕਰਮਜੀਤ ਕੌਰ ਨੇ ਦੱਸਿਆ ਕਿ ਬਾਬੇ ਨੇ ਨਾ ਤਾਂ ਉਸ ਦੇ ਪੁੱਤਰ ਨੂੰ ਠੀਕ ਕੀਤਾ ਅਤੇ ਨਾ ਹੀ ਪੈਸੇ ਵਾਪਸ ਕਰ ਰਿਹਾ ਹੈ।