ਮੁੰਬਈ ਦੇ ਹਸਪਤਾਲ ਵਿਚ ਲੱਗੀ ਅੱਗ, 3 ਮੌਤਾਂ, 76 ਲੋਕਾਂ ਨੂੰ ਬਚਾਇਆ

ਮੁੰਬਈ, 26 ਮਾਰਚ, ਹ.ਬ. : ਮੁੰਬਈ ਦੇ ਭਾਂਡੁਪ ਵਿਚ ਸਨਰਾਈਜ਼ ਹਸਪਤਾਲ ਵਿਚ ਦੇਰ ਰਾਤ ਅੱਗ ਲੱਗਣ ਕਾਰਨ ਹਫੜਾ ਦਫੜੀ ਮਚ ਗਈ। ਘਟਨਾ ਵਿਚ 3 ਲੋਕਾਂ ਦੇ ਮਰਨ ਦੀ ਖ਼ਬਰ ਹੈ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਚਲ ਸਕਿਆ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਹ ਹਸਪਤਾਲ ਡਰੀਮਜ਼ ਮੌਲ ਵਿਚ ਤੀਜੀ ਮੰਜ਼ਿਲ ’ਤੇ ਹੈ। ਹਸਪਤਾਲ ਵਿਚ ਅੱਗ ਕਰੀਬ ਅੱਧੀ ਰਾਤ ਲੱਗੀ। ਘਟਨਾ ਦੀ ਜਾਣਕਾਰੀ ਤੋਂ ਬਾਅਦ ਫਾਇਰ ਬ੍ਰਿਗੇਡ ਦੀ 23 ਗੱਡੀਆਂ ਮੌਕੇ ’ਤੇ ਅੱਗ ਬੁਝਾਉਣ ਦੇ ਲਈ ਪੁੱਜੀਆਂ। ਹਸਪਤਾਲ ਤੋਂ 70 ਤੋਂ ਜ਼ਿਆਦਾ ਮਰੀਜ਼ਾਂ ਨੂੰ ਕੱਢ ਕੇ ਦੂਜੀ ਜਗ੍ਹਾ ਸ਼ਿਫਟ ਕੀਤਾ ਗਿਆ। ਇਨ੍ਹਾਂ ਵਿਚ ਕੋਰੋਨਾ ਦੇ ਮਰੀਜ਼ ਵੀ ਸ਼ਾਮਲ ਹਨ। ਇਹ ਮੌਲ ਭਾਂਡੁਪ ਵਿਚ ਐਲਬੀਸੀ ਰੋਡ ’ਤੇ ਸਥਿਤ ਹੈ। ਮੌਕੇ ’ਤੇ ਪੁੱਜੀ ਮੇਅਰ ਨੇ ਕਿਹਾ ਕਿ ਅੱਗ ਦੇ ਕਾਰਨਾਂ ਦਾ ਹਾਲੇ ਪਤਾ ਨਹੀਂ ਚਲ ਸਕਿਆ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਪਹਿਲੀ ਵਾਰ ਮੌਲ ਵਿਚ ਹਸਪਤਾਲ ਵਿਚ ਦੇਖਿਆ ਹੈ। ਇਸ ਮਾਮਲੇ ਵਿਚ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਹਪਸਤਾਲ ਵਿਚ ਕੋਵਿਡ ਮਰੀਜ਼ਾਂ ਸਣੇ ਹੋਰ 70 ਮਰੀਜ਼ਾਂ ਨੂੰ ਦੂਜੇ ਹਸਪਤਾਲ ਵਿਚ ਸ਼ਿਫਟ ਕਰ ਦਿੱਤਾ ਗਿਆ। ਹਸਪਤਾਲ ਵਿਚ 76 ਮਰੀਜ਼ ਦਾਖਲ ਸੀ। ਇਨ੍ਹਾਂ ਵਿਚੋਂ 73 ਕੋਰੋਨਾ ਮਰੀਜ਼ ਅਤੇ 3 ਆਮ ਰੋਗੀ ਹਨ। 73 ਵਿਚੋਂ 30 ਨੂੰ ਮੁਲੁੰਡ ਦੇ ਜੰਬੋ ਸੈਂਟਰ ਵਿਚ ਸ਼ਿਫਟ ਕੀਤਾ ਗਿਆ। ਤਿੰਨ ਲੋਕਾਂ ਨੂੰ ਫੋਰਟਿਸ ਹਸਪਤਾਲ ਵਿਚ ਦਾਖ਼ਲ ਕਰਾਇਆ ਗਿਆ ਹੈ। ਬਾਕੀ ਹੋਰਾਂ ਦਾ ਅਲੱਗ ਅਲੱਗ ਹਸਪਤਾਲਾਂ ਵਿਚ ਇਲਾਜ ਚਲ ਰਿਹਾ ਹੈ।

Video Ad
Video Ad