Home ਪੰਜਾਬ ਮੰਡੀ ਗੋਬਿੰਦਗੜ੍ਹ ਦੇ ਫਾਇਨਾਂਸ ਦਫਤਰ ਵਿਚ ਲੜਕੀ ਨਾਲ ਗੈਂਗਰੇਪ

ਮੰਡੀ ਗੋਬਿੰਦਗੜ੍ਹ ਦੇ ਫਾਇਨਾਂਸ ਦਫਤਰ ਵਿਚ ਲੜਕੀ ਨਾਲ ਗੈਂਗਰੇਪ

0
ਮੰਡੀ ਗੋਬਿੰਦਗੜ੍ਹ ਦੇ ਫਾਇਨਾਂਸ ਦਫਤਰ ਵਿਚ ਲੜਕੀ ਨਾਲ ਗੈਂਗਰੇਪ

ਮੰਡੀ ਗੋਬਿੰਦਗੜ੍ਹ, 24 ਮਾਰਚ, ਹ.ਬ. : ਪੰਜਾਬ ਦੇ ਫਤਿਹਗੜ੍ਹ ਸਾਹਿਬ ਵਿਚ ਬੁਧਵਾਰ ਨੂੰ ਗੈਂਗਰੇਪ ਦੀ ਘਟਨਾ ਸਾਹਮਣੇ ਆਈ ਹੈ। ਦੱਸਿਆ ਜਾਂਦਾ ਹੈ ਕਿ ਜ਼ਿਲ੍ਹੇ ਦੇ ਕਸਬਾ ਮੰਡੀ ਗੋਬਿੰਦਗੜ੍ਹ ਵਿਚ ਚਲ ਰਹੇ ਫਾਇਨਾਂਸ ਕੰਪਨੀ ਚੜ੍ਹਦੀ ਕਲਾ ਦੇ ਦਫ਼ਤਰ ਵਿਚ ਰਿਵਾਲਵਰ ਦੀ ਨੋਕ ’ਤੇ ਫਰੀਦਕੋਟ ਦੀ ਲੜਕੀ ਨਾਲ 6 ਲੋਕਾਂ ਨੇ ਬਲਾਤਕਾਰ ਕੀਤਾ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਫਰੀਦਕੋਟ ਨਾਲ ਸੰਬੰਧ ਰੱਖਣ ਵਾਲੀ ਲੜਕੀ ਪਿਛਲੇ ਕੁਝ ਦਿਨਾਂ ਤੋਂ ਲੁਧਿਆਣਾ ਵਿਚ ਰਹਿੰਦੀ ਹੈ। ਐਸਐਸਪੀ ਅਮਨੀਤ ਨੂੰ ਦਿੱਤੀ ਸ਼ਿਕਾਇਤ ਵਿਚ ਉਸ ਨੇ ਕਿਹਾ ਕਿ ਖੰਨਾ ਦੇ ਨਜ਼ਦੀਕ ਪਿੰਡ ਭਾਦਲਾ ਦਾ ਪਰਮਜੀਤ ਸਿੰਘ ਪੰਮਾ ਮੰਡੀ ਗੋਬਿੰਦਗੜ੍ਹ ਦੇ ਅਮਲੋਹ ਰੋਡ ਸਥਿਤ ਚੜ੍ਹਦੀ ਕਲਾ ਨਾਂ ਦੀ ਕੰਪਨੀ ਚਲਾ ਰਿਹਾ ਹੈ।
ਬੀਤੇ ਦਿਨ ਉਸ ਨੂੰ ਪੰਮਾ ਦੇ ਦਫਤਰ ਵਿਚ ਬੁਲਾਇਆ ਸੀ। ਉਥੇ ਫਾਇਨਾਂਸਰ ਪਰਮਜੀਤ ਸਿੰਘ ਪੰਮਾ, ਠੇਕੇਦਾਰ ਅਸ਼ਵਨੀ ਸ਼ਰਮਾ, ਇਨ੍ਹਾਂ ਦੇ ਸਾਥੀ ਗੋਲਡੀ ਗਿੰਲ, ਦੀਸ਼ਾ, ਮੰਗਾ ਅਤੇ ਰਾਜਿੰਦਰ ਸਿੰਘ ਨੇ ਪਿਸਤੌਲ ਦੀ ਨੌਕ ’ਤੇ ਉਸ ਨਾਲ ਬਲਾਤਕਾਰ ਕੀਤਾ। ਐਸਐਸਪੀ ਅਮਨੀਤ ਨੇ ਸ਼ਿਕਾਇਤ ’ਤੇ ਕਾਰਵਾਈ ਕਰਦੇ ਹੋਏ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰਨ ਲਈ ਟੀਮਾਂ ਗਠਨ ਕੀਤੀਆਂ। ਮੰਡੀ ਗੋਬਿੰਦਗੜ੍ਹ ਦੇ ਥਾਣਾ ਇੰਚਾਰਜ ਪ੍ਰੇਮ ਸਿੰਘ ਨੇ ਮਾਮਲਾ ਦਰਜ ਕਰਨ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਕਿ ਮੁਲਜ਼ਮਾਂ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਇਸ ਮਾਮਲੇ ਦੀ ਜਾਂਚ ਮਹਿਲਾ ਸਬ ਇੰਸਪੈਕਟਰ ਨਵਨੀਤ ਕੌਰ ਕਰ ਰਹੀ ਹੈ।