ਲੰਡਨ, 22 ਜੁਲਾਈ, ਹ.ਬ. : ਯੂਕੇ ਵਿਚ 9 ਪ੍ਰਤੀਸ਼ਤ ਮਹਿੰਗਾਈ ਵਧਣ ਦੇ ਕਾਰਨ ਵਿਦੇਸ਼ਾਂ ਵਿਚ ਪੜ੍ਹਾਉਣ ਵਾਲੇ ਵਿਦਿਆਰਥੀਆਂ ਦੇ ਸਾਹਮਣੇ ਲਿਵਿੰਗ ਕਰਾਈਸਸ ਤੇਜ਼ੀ ਨਾਲ ਵਧ ਰਹੀ ਹੈ। ਇਹ ਵਿਦਿਆਰਥੀ ਕਿਰਾਇਆ ਨਹੀਂ ਦੇ ਪਾ ਰਹੇ ਹਨ। ਜੋ ਵਿਦਿਆਰਥੀ ਅਪਣੇ ਰਿਸ਼ਤੇਦਾਰਾਂ ਦੇ ਘਰ ’ਤੇ ਰਹਿ ਰਹੇ ਸੀ, ਵਧਦੀ ਮਹਿੰਗਾਈ ਕਾਰਨ ਉਨ੍ਹਾਂ ਨੂੰ ਵੀ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਗਿਆ। ਅਜਿਹੇ ਵਿਚ ਕੁਝ ਵਿਦਿਆਰਥੀ ਸੜਕਾਂ ’ਤੇ ਸੌਣ ਲਈ ਮਜਬੂਰ ਹਨ।
ਕੋਈ ਅਪਣੇ ਦੋਸਤਾਂ ਦੇ ਇੱਥੇ ਜਾ ਕੇ ਰਹਿ ਰਿਹਾ ਹੈ ਤੇ ਕੋਈ ਪਾਰਟ ਟਾਈਮ ਜੌਬ ਲੱਭ ਰਿਹਾ ਹੈ ਤਾਕਿ ਉਹ ਵੀ ਅਪਣੇ ਲਈ ਬਿਹਤਰ ਘਰ ਦੀ ਭਾਲ ਕਰ ਸਕੇ। ਕਰੀਬ 12 ਪ੍ਰਤੀਸ਼ਤ ਵਿਦਿਆਰਥੀ ਅਜਿਹੇ ਹਨ ਜਿਨ੍ਹਾਂ ਦੇ ਕੋਲ ਕੋਈ ਛੱਤ ਨਹੀਂ ਹੈ। 5.3 ਪ੍ਰਤੀਸ਼ਤ ਡਰੌਪ ਆਊਟ ਅਤੇ ਹਾਲ ਹੀ ਵਿਚ ਪਾਸਆਊਟ ਹੋਏ ਵਿਦਿਆਰਥੀ ਵੀ ਇਸੇ ਸਮੱਸਿਆ ਨਾਲ ਜੂਝ ਰਹੇ ਹਨ। ਇਹ ਖੁਲਾਸਾ ਹਾਇਰ ਐਜੂਕੇਸ਼ਨ ਪਾਲਿਸੀ ਇੰਸਟੀਚਿਊਟ ਵਿਚ ਪਬਲਿਸ਼ ਹੋਏ ਨੈਸ਼ਨਲ ਯੂਨੀਅਨ ਆਫ ਸਟੂਡੈਂਟ ਇਨ ਸਕੌਟਲੈਂਡ ਦੇ ਸਰਵੇ ਵਿਚ ਹੋਇਆ ਹੈ।