ਲੁਧਿਆਣਾ, 3 ਫਰਵਰੀ, ਹ.ਬ. : ਪੰਜਾਬ ਦੇ ਲੁਧਿਆਣਾ ’ਚ ਤੜਕੇ ਸਾਢੇ ਚਾਰ ਵਜੇ ਜੰਡਿਆਲੀ ਬੁੱਢੇਵਾਲ ਰੋਡ ’ਤੇ ਸਪੀਨਿੰਗ ਮਿੱਲ ਵਿਚ ਅੱਗ ਲੱਗ ਗਈ। ਦੱਸਿਆ ਜਾ ਰਿਹਾ ਕਿ ਸ਼ਾਰਟ ਸਰਕਟ ਕਾਰਨ ਇਹ ਅੱਗ ਲੱਗੀ। ਅੱਗ ’ਤੇ ਕਾਬੂ ਪਾਉਣ ਦੇ ਲਈ ਫਾਇਰ ਬ੍ਰਿਗੇਡ ਦੀ 100 ਗੱਡੀਆਂ ਪਹੁੰਚ ਚੁੱਕੀਆਂ ਹਨ। ਇਸ ਦੌਰਾਨ ਖੁਸ਼ਕਿਸਮਤੀ ਇਹ ਰਹੀ ਕਿ ਕੋਈ ਜਾਲੀ ਨੁਕਸਾਨ ਨਹੀਂ ਹੋਇਆ। ਜਾਣਕਾਰੀ ਮੁਤਾਬਕ ਸਵੇਰੇ ਮਿੱਲ ਵਿਚ ਲੱਗੀ ਅੱਗ ਦੀ ਲਪਟਾਂ ਰਾਹਗੀਰਾਂ ਨੇ ਦੇਖੀਆਂ। ਇਸ ’ਤੇ ਉਨ੍ਹਾਂ ਨੇ ਮਿੱਲ ਮਾਲਕ ਨੂੰ ਫੋਨ ਕੀਤਾ। ਪਾਰਸ਼ਵਨਾਥ ਦੇ ਨਾਂ ਤੋਂ ਇਹ ਸਪੀਨਿੰਗ ਮਿੱਲ ਦੱਸੀ ਜਾ ਰਹੀ ਹੈ। ਇਸ ਅੱਗ ਦੀ ਸੂਚਨਾ ਮਿਲਣ ਤੋਂ ਬਾਅਦ ਘਟਨਾ ਸਥਾਨ ’ਤੇ ਪੁਲਿਸ ਵੀ ਪਹੁੰਚ ਗਈ। ਅੱਗ ਕਾਰਨ ਲੱਖਾਂ ਦਾ ਮਾਲ ਸੜ ਕੇ ਰਾਖ ਹੋ ਗਿਆ ਹੈ। ਅੱਗ ਲੱਗਣ ਦੇ ਕਾਰਨ ਆਸ ਪਾਸ ਦੇ ਫੈਕਟਰੀ ਅਤੇ ਮਿੱਲ ਵਾਲਿਆਂ ਵਿਚ ਵੀ ਦਹਿਸ਼ਤ ਹੈ। ਅੱਗ ਦੀ ਲਪਟਾਂ ਇੰਨੀ ਉਚੀਆਂ ਸੀ ਕਿ ਕਈ ਕਿਲੋਮੀਟਰ ਦੂਰੀ ਤੋਂ ਦਿਖ ਰਹੀਆਂ ਸਨ। ਜ਼ਿਲ੍ਹੇ ਦੇ ਫਾਇਰ ਅਧਿਕਾਰੀ ਆਤਿਸ਼ ਰਾਏ ਨੇ ਦੱਸਿਆ ਕਿ ਫਿਲਹਾਲ ਅੱਗ ਨੂੰ ਕੰਟਰੋਲ ਕਰ ਲਿਆ ਗਿਆ ਹੈ। ਕਰੀਬ 100 ਫਾਇਰ ਬ੍ਰਿਗੇਡ ਦੀਆਂ ਗੱਡਆਂ ਅੱਗ ਬੁਝਾਉਣ ਵਿਚ ਲੱਗੀਆਂ।