ਮਾਸਕੋ, 3 ਮਈ, ਹ.ਬ. : ਯੂਕਰੇਨ ਦੇ ਬਾਖਮੁਤ ਵਿੱਚ ਚੱਲ ਰਹੀ ਲੜਾਈ ਦੇ ਵਿਚਕਾਰ, ਯੂਕਰੇਨ ਨੇ ਰੂਸ ਦੇ ਖਿਲਾਫ ਇੱਕ ਜ਼ਬਰਦਸਤ ਜਵਾਬੀ ਹਮਲਾ ਕੀਤਾ ਹੈ। ਇਸ ਹਮਲੇ ਕਾਰਨ ਰੂਸ ਦੇ ਸਰਹੱਦੀ ਖੇਤਰ ’ਚ ਜ਼ੋਰਦਾਰ ਧਮਾਕਿਆਂ ਕਾਰਨ ਇਕ ਮਾਲ ਗੱਡੀ ਪਟੜੀ ਤੋਂ ਉਤਰ ਗਈ ਅਤੇ ਪਲਟ ਗਈ। ਘਟਨਾ ਰੂਸ ਦੇ ਪੱਛਮੀ ਬ੍ਰਿੰਸਕ ਖੇਤਰ ਦੀ ਹੈ। ਇਹ ਖੇਤਰ ਰੂਸ, ਬੇਲਾਰੂਸ ਅਤੇ ਯੂਕਰੇਨ ਦੀ ਸਰਹੱਦ ’ਤੇ ਸਥਿਤ ਹੈ। ਰੂਸੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਯੂਕਰੇਨ ’ਤੇ ਰੂਸ ਦੇ ਹਮਲੇ ਤੋਂ ਬਾਅਦ ਯੂਕਰੇਨੀ ਫੋਰਸ ਨੇ ਬ੍ਰਿੰਸਕ ਖੇਤਰ ’ਚ ਕਈ ਹਮਲੇ ਕੀਤੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਅਜਿਹਾ ਲਗਾਤਾਰ ਦੂਜੇ ਦਿਨ ਵਾਪਰਿਆ ਹੈ, ਜਦੋਂ ਰੂਸ ਵਿੱਚ ਟਰੇਨ ਪਟੜੀ ਤੋਂ ਉਤਰ ਗਈ ਅਤੇ ਯੂਕਰੇਨ ਦੇ ਹਮਲੇ ਵਿੱਚ ਪਲਟ ਗਈ। ਹਾਲਾਂਕਿ, ਇਹ ਇੱਕ ਮਾਲ ਗੱਡੀ ਸੀ ਅਤੇ ਇਸ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ। ਘਟਨਾ ਸ਼ਾਮ ਸਾਢੇ ਸੱਤ ਵਜੇ ਦੀ ਹੈ। ਧਮਾਕੇ ਕਾਰਨ ਟਰੇਨਾਂ ਦੇ ਪਟੜੀ ਤੋਂ ਉਤਰਨ ਦੀ ਘਟਨਾ ਅਜਿਹੇ ਸਮੇਂ ਵਾਪਰੀ ਹੈ ਜਦੋਂ ਯੂਕਰੇਨ ਦੀ ਫੌਜ ਨੇ ਜਵਾਬੀ ਹਮਲੇ ਤੇਜ਼ ਕਰ ਦਿੱਤੇ ਹਨ।