ਕੀਵ, 19 ਮਈ, ਹ.ਬ. : ਕੀਵ ਵਿਚ ਅਧਿਕਾਰੀਆਂ ਨੇ ਦੱਸਿਆ ਕਿ ਰੂਸ ਨੇ ਇਸ ਮਹੀਨੇ ਨੌਵੀਂ ਵਾਰ ਯੂਕਰੇਨੀ ਰਾਜਧਾਨੀ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਸ ਵਾਰ ਕੈਸਪੀਅਨ ਖੇਤਰ ਤੋਂ ਲੜਾਕੂ ਜਹਾਜ਼ਾਂ ਨੇ ਕਰੂਜ਼ ਮਿਜ਼ਾਈਲਾਂ ਨਾਲ ਹਮਲਿਆਂ ਨੂੰ ਅੰਜਾਮ ਦਿੱਤਾ। ਇਸ ਦੇ ਨਾਲ ਹੀ ਦੋ ਰੂਸੀ ਬੰਬਾਰ ਜਹਾਜ਼ਾਂ ਅਤੇ ਦੋ ਜਾਸੂਸੀ ਡਰੋਨਾਂ ਨੂੰ ਵੀ ਮਾਰ ਗਿਰਾਉਣ ਦਾ ਦਾਅਵਾ ਕੀਤਾ ਗਿਆ ਹੈ। ਓਡੇਸਾ ਦੇ ਫੌਜੀ ਪ੍ਰਸ਼ਾਸਨ ਦੇ ਬੁਲਾਰੇ ਸਰਗੇਈ ਬ੍ਰੈਚਕ ਨੇ ਕਿਹਾ ਕਿ ਇੱਕ ਰੂਸੀ ਮਿਜ਼ਾਈਲ ਨੇ ਖੇਤਰ ਦੇ ਦੱਖਣੀ ਹਿੱਸੇ ਵਿੱਚ ਇੱਕ ਉਦਯੋਗਿਕ ਅਦਾਰੇ ’ਤੇ ਹਮਲਾ ਕੀਤਾ, ਜਿਸ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ। ਕੀਵ ਵਿੱਚ ਅਧਿਕਾਰੀਆਂ ਨੇ ਕਿਹਾ ਕਿ ਰੂਸ ਨੇ ਇਸ ਮਹੀਨੇ ਨੌਵੀਂ ਵਾਰ ਯੂਕਰੇਨ ਦੀ ਰਾਜਧਾਨੀ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਸ ਵਾਰ ਕੈਸਪੀਅਨ ਖੇਤਰ ਦੇ ਬੰਬਾਰਾਂ ਨੇ ਇਨ੍ਹਾਂ ਕਰੂਜ਼ ਮਿਜ਼ਾਈਲਾਂ ਨਾਲ ਹਮਲੇ ਕੀਤੇ। ਹਮਲਿਆਂ ਤੋਂ ਬਾਅਦ ਰੂਸੀ ਜਾਸੂਸੀ ਜਹਾਜ਼ਾਂ ਨੇ ਵੀ ਯੂਕਰੇਨ ਦੀ ਰਾਜਧਾਨੀ ਉਤੇ ਉਡਾਣ ਭਰੀ।