ਉਮਾ ਪੇਮਾਰਾਜੂ ਨੇ 64 ਸਾਲ ਦੀ ਉਮਰ ’ਚ ਲਏ ਆਖਰੀ ਸਾਹ
ਕਈ ਐਵਾਰਡ ਕੀਤੇ ਸੀ ਹਾਸਲ
1997 ਵਿੱਚ ਮਿਲਿਆ ਸੀ ‘ਬੋਸਟਨ ਦੀ ਸਰਵੋਤਮ ਐਂਕਰ’ ਦਾ ਨਾਮ
ਵਾਸਿੰਗਟਨ, 12 ਅਗਸਤ (ਰਾਜ ਗੋਗਨਾ) : ਬੀਤੇ ਦਿਨ ਭਾਰਤੀ ਮੂਲ ਦੀ ਅਮਰੀਕੀ ਪੱਤਰਕਾਰ ਉਮਾ ਪੇਮਰਾਜੂ ਦਾ ਅਚਾਨਕ ਦੇਹਾਂਤ ਹੋ ਗਏ। ਫੌਕਸ ਨਿਊਜ਼ ਦੀ ਨਾਮਵਰ ਐਂਕਰ ਉਮਾ ਨੇ 64 ਦੀ ਉਮਰ ਵਿੱਚ ਆਖਰੀ ਸਾਹ ਲਿਆ।

ਫੋਕਸ ਨਿਊਜ਼ ਚੈਨਲ ਨੇ ਉੁਮਾ ਦੀ ਮੌਤ ’ਤੇ ਦੁਖ ਪ੍ਰਗਟ ਕਰਦਿਆਂ ਦੱਸਿਆ ਕਿ ਉਹ ਫੌਕਸ ਨਿਊਜ਼ ਚੈਨਲ ਦੇ ਸੰਸਥਾਪਕ ਐਂਕਰਾਂ ਵਿੱਚੋਂ ਇੱਕ ਸੀ, ਜਿਸ ਦਿਨ ਅਸੀਂ ਲਾਂਚ ਕੀਤਾ ਸੀ, ਉਸੇ ਦਿਨ ਉਹ ਸਾਡੇ ਨਾਲ ਪ੍ਰਸਾਰਣ ਵਿੱਚ ਸੀ। ਇਸ ਗੱਲ ਦਾ ਪ੍ਰਗਟਾਵਾ ਫੌਕਸ ਨਿਊਜ਼ ਮੀਡੀਆ ਦੀ ਸੀਈਓ ਸੁਜ਼ੈਨ ਸਕਾਟ ਨੇ ਕੀਤਾ। ਉਸ ਨੇ ਕਿਹਾ ਕਿ ਉਮਾ ਇੱਕ ਬਹੁਤ ਹੀ ਪ੍ਰਤਿਭਾਸ਼ਾਲੀ ਪੱਤਰਕਾਰ ਹੋਣ ਦੇ ਨਾਲ-ਨਾਲ ਇੱਕ ਨਿੱਘੀ ਅਤੇ ਮਿਲਣਸਾਰ ਮਹਿਲਾ ਸੀ, ਜਿਸ ਦੇ ਨਾਲ ਵੀ ਉਸ ਨੇ ਕੰਮ ਕੀਤਾ ਹਰ ਇੱਕ ਲਈ ਉਸ ਦੀ ਦਿਆਲਤਾ ਲਈ ਸਭ ਤੋਂ ਵੱਧ ਜਾਣਿਆ ਜਾਂਦਾ ਸੀ।

ਸੀਈੳ ਸੂਜ਼ੈਨ ਸਕਾਟ ਨੇ ਕਿਹਾ ਕਿ ਪੇਮਮਾਰਾਜੂ ਨੇ ਪਹਿਲਾਂ ‘ਫੌਕਸ ਨਿਊਜ਼ ਤੇ ਨਾਓ’ ਅਤੇ ‘ਫੌਕਸ ਆਨ ਟ੍ਰੈਂਡਸ’ ਵਿੱਚ ਐਂਕਰ ਵਜੋਂ ਕੰਮ ਕੀਤਾ ਸੀ। ਸੰਨ 2003 ਵਿੱਚ ਇੱਕ ਐਂਕਰ ਅਤੇ ਬਦਲਵੇਂ ਹੋਸਟ ਦੇ ਤੌਰ ’ਤੇ ਪੂਰੇ ਨੈੱਟਵਰਕ ਵਿੱਚ ਸ਼ਾਮਲ ਹੋ ਗਈ। ਉਸ ਨੇ ਫੌਕਸ ਨਿਊਜ਼ ਲਾਈਵ ਦੇ ਸੰਡੇ ਐਡੀਸ਼ਨ ਦੀ ਮੇਜ਼ਬਾਨੀ ਵੀ ਕੀਤੀ ਸੀ। ਨਿਊਜ਼ਮੇਕਰਾਂ, ਮਸ਼ਹੂਰ ਹਸਤੀਆਂ ਅਤੇ ਰਾਜਨੀਤਿਕ ਹਸਤੀਆਂ ਦੀ ਇੰਟਰਵਿਊ ਲਈਆਂ, ਜਿਸ ਵਿੱਚ ਉਸ ਦੀ ਦਲਾਈ ਲਾਮਾ ਨਾਲ ਇੱਕ ਯਾਦਗਾਰ ਬੈਠਕ ਵੀ ਸ਼ਾਮਲ ਹੈ।
ਪੇਮਾਰਾਜੂ ਨੇ ਫੌਕਸ ਨਿਊਜ਼ ਲਈ ਕਈ ਤਰ੍ਹਾਂ ਦੇ ਸਪੈਸ਼ਲ ਪ੍ਰੋਗਰਾਮਾਂ ਦੀ ਮੇਜ਼ਬਾਨੀ ਵੀ ਕੀਤੀ, ਜਿਵੇਂ ਕਿ ਨੌਜਵਾਨਾਂ ਲਈ ਇੱਕ ਵਿਸ਼ੇਸ਼’, ਜਿਸ ਵਿੱਚ ਨੌਜਵਾਨਾਂ ਨੂੰ ਜੀਵਨ ਦੀਆਂ ਚੁਣੌਤੀਆਂ ਬਾਰੇ ਸਲਾਹ ਦੇਣ ਵਾਲੇ ਚੋਟੀ ਦੇ ਨਿਊਜ਼ਮੇਕਰ ਸ਼ਾਮਲ ਹੋਏ ਹਨ। ਬੋਸਟਨ ਮੈਗਜ਼ੀਨ ਦੁਆਰਾ ਪੇਮਾਰਾਜੂ ਨੂੰ 1996 ਅਤੇ 1997 ਵਿੱਚ ‘ਬੋਸਟਨ ਦੀ ਸਰਵੋਤਮ ਐਂਕਰ’ ਦਾ ਨਾਮ ਦਿੱਤਾ ਗਿਆ ਸੀ ਅਤੇ ਰਿਪੋਰਟਿੰਗ ਅਤੇ ਖੋਜੀ ਪੱਤਰਕਾਰੀ ਲਈ ਉਸ ਦੇ ਪੂਰੇ ਕਰੀਅਰ ਦੌਰਾਨ ਇਸ ਭਾਰਤੀ ਨੇ ਕਈ ਐਮੀ ਅਵਾਰਡ ਪ੍ਰਾਪਤ ਕੀਤੇ ਸਨ।
ਉਸ ਨੂੰ ਸਪੌਟਲਾਈਟ ਮੈਗਜ਼ੀਨ ਦੀ ‘1998 ਦੀਆਂ 20 ਦਿਲਚਸਪ ਔਰਤਾਂ’ ਵਿੱਚੋਂ ਇੱਕ ਨਾਮ ਦਿੱਤਾ ਗਿਆ ਸੀ। ਪੇਮਮਾਰਾਜੂ ਨੇ 2002 ਵਿੱਚ ਰਿਪੋਰਟਿੰਗ ਲਈ ਟੈਕਸਾਸ ਤੋਂ ਏਪੀ ਅਵਾਰਡ, ਬਿਗ ਸਿਸਟਰਜ਼ ਆਰਗੇਨਾਈਜ਼ੇਸ਼ਨ ਆਫ ਅਮਰੀਕਾ ਤੋਂ ਵੂਮੈਨ ਆਫ ਅਚੀਵਮੈਂਟ ਅਵਾਰਡ ਅਤੇ ਵੂਮੈਨ ਇਨ ਕਮਿਊਨੀਕੇਸ਼ਨਜ਼ ਤੋਂ ਮੈਟਰਿਕਸ ਅਵਾਰਡ ਵੀ ਜਿੱਤਿਆ। ਉਸ ਨੇ ਅਮਰੀਕਾ ਦੇ ਟੈਕਸਾਸ ਰਾਜ ਦੇ ਸਿਟੀ ਸੈਨ ਐਂਟੋਨੀਓ ਅਤੇ ਐਮਰਸਨ ਕਾਲਜ ਅਤੇ ਹਾਰਵਰਡ ਯੂਨੀਵਰਸਿਟੀ ਵਿੱਚ ਪੜ੍ਹਾਈ ਕੀਤੀ ਸੀ।